زيارة صحيفة العضيلآت لمالك الابل الشيخ/عيد شارع العضيلة

أليا بنيت ابني على صخر وحديد=ماني مرسيها على جرف هيال
واليا مدحت امدح هل الراي السديد=ماني ابمادح عاطفه ولا خيال
ولاني ابمادح كل مختال عتيد=لانه مشارك في مزايين الحلال
ولا مدح لاجل بكره يجي جيبِ جديد=ولا مدح لاجل بعده اكفألي بمال
المدح امانه حت لو انه قصيد=لا تمدحون إلا زحازيح الرجال
اللي لهم فعلِ وتاريخ مجيد=هذاك يستاهل ومدحي له حلال
واليوم أنا بمدحك يابن العم عيد=تستاهله من بعد ماجاله مجال
لن قلت زور اكيد هذا مايفيد=ماهو مجرد هرج لاجل انه يقال
لقيت فيك الصدق هذا الي نريد=ولا تجامل هليل لاجل يرضى هلال
في شخصك آداب المجالس ماتبيد=وصمتك مطر ديمِ على القمه وسال
شفت التواضع للقريب والبعيد=كلمه هلا والكبش من بعد الدلال
انت الكريم ولا يهون ابن مهيد=هذاك فالماضي وابو خالد لازال
تعطي وفي خاطرك ياهل من مزيد=والناس ماتقنع ولله الكمال
صفات محموده وذالعلم الاكيد=في وقتنا هذا صعيبات المنال
ندعوا لابو خالد عسى عمره مديد=وعسى الله يعجل بتحقيق الآمال

ياعيد يا راس الرياجيل ياعيد=حنا ترانا كلنا نفتخر فيك
علمن موكد مايبي زود توكيد=مطير تفخر بك ولا فيه تشكيك
شيخن على نطح المواقيف صنديد=الله يابوخالد عليها يقويك
تشهد على جودك كرام الاجاويد=وجزل القصايد في مديحك تزكيك
على سنا جودك جذبت القواصيد=هاذاك يثني لك وهاذاك ناصيك
واليوم للفرحة مع عيد تجديد=في جايزت صقر الجزيرة هقاويك
سقنا الوضاح اللي تغيض الحواسيد=خمسين وضحا جابها مرخص الشيك
ماجاتنا بااسلاف ولاتقاصيد=الا ملايين تحل الشربيك
في ستة أشهر حدد الدرب تحديد=وهذا طموع أهل العزوم الفواتيك
مادام فادعوى تحدي صناديد=ياصعب هقواتك ومصعب تحديك
ياعيد ياراس الرياجيل يا عيد=حنا معك ياعيد والله يقويك

جينا ببراقه على العرض ماشين=تسلم ويسلم رأس شيخاَ نقاها
من غير قاصر بالرجال السلاطين=لاكن عيد يقولها ويحماها
قلنا نبي براقه أم الملايين=قال أبشرو يامطير ثم اشتراها
سلم ثمنها كاش ماجابها دين=دندون ماتفرق معه لابغاها
ثم حطها بين البكار المزايين=وروق بعد حط الصعيبي علاها
براقه أم الزين مابعدها زين=بالزين ربي رافعاً مستواها
بالمختصر مامثلها فالبعارين=آخذه من النجم الأبيض حلاها
الله خلق من نجمه سهيل ثنتين=نجمه بالأرض ونجمه في سماها